Бөлүмдөр
Шаршемби, 22-август
Ош

Бурган-Суу айылындагы ФАПтын курулушу 3 жылдан бери бүтпөй турат

Turmush -  Чоң-Алай районунун Кашка-Суу айыл өкмөтүнө караштуу Бурган-Суу айылындагы фельдшердик-акушердик пункттун имараты 3 жылдан бери курулуп бүтө элек. Бул тууралуу аталган айылдын башчысы Насирдин Термечиков билдирди.

Анын айтымында, учурда имараттын курулушу токтоп турат. ФАПтын жоктугунан эл Сары-Могол айылындагы ФАПка барууга аргасыз болушат.

«Биздин айылда 120 кожолук эл бар. ФАП биздин жалгыз социалдык объектибиз. Ал дагы 3 жылдан бери курулуп бүтпөй жатат. 3 млн 200 миң сомдук жумуш аткарылып, учурда чатыры жабылган бойдон турат. Ички оңдоп-түзөө иштерине каражат бөлүнө элек. Айыл эли ооруп калганда Сары-Могол айылындагы ФАПка барууга аргасыз болушат. Кыштын күнү өтө кыйналабыз», - деди Н.Термечиков.

Ал эми аталган айыл өкмөттүн башчысы Салайдин Бакиров ФАП быйыл толугу менен бүткөрүлө турганын кошумчалады. Аталган ФАПтын курулушу 4 млн 800 миң сомго бааланган. ФАП жергиликтүү бюджеттен курулуп жатат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 789
Комментарии
Для добавления комментария необходимо быть нашим подписчиком
Көп окулду
×